فحص متجرك
أبرز ما تحصل عليه
- عندك متجر شغّال على سلة أو زد أو شوبيفاي
- بيجيك زوار بس المبيعات أقل من المتوقع
- بتفضّل تفهم المشكلة قبل ما تدفع لحدا يحلها
- دفع آمن ومشفّر
- دعم مباشر عبر واتساب
التفاصيل
متجرك شغّال، والزوار بيدخلوا — بس ما بيشتروا.
وأصعب شي إنك ما بتعرف ليش. فبتجرّب تغيّر الألوان، وتبدّل البنرات، وتنزّل السعر… وما بيتغيّر شي.
المشكلة مش إنك ما بتشتغل. المشكلة إنك بتشتغل بالتخمين.
هاد الفحص بينهّي التخمين. بفتح متجرك من الجوال، وبمشي فيه خطوة بخطوة كأني زبون أول مرة بيدخل، وبكتبلك شو اللي بيوقفني عن الشراء — بالترتيب، من الأكتر تأثير للأقل.
اللي بيوصلك خلال 48 ساعة
1 · قائمة المشاكل مرتّبة بالأولوية
مش قائمة طويلة بتحبطك. بل مرتّبة: شو اللي بيخسّرك طلبات اليوم، وشو اللي بيستنى. وكل مشكلة معها ليش بتخسّرك، مش بس «هاد غلط».
2 · صورة قبل/بعد للصفحة الرئيسية
مش وصف بالكلام — صورة بتشوف فيها شكل متجرك بعد التعديل، قبل ما تلتزم بأي شي.
3 · فحص رحلة الشراء كاملة من الجوال
من أول شاشة لحد صفحة الدفع. وبقلك بالضبط عند أي خطوة الزبون بيتردد وليش.
4 · اللي تقدر تعمله بنفسك — مفصول
قسم كامل بالتقرير اسمه «اعملهم بنفسك مجانًا». خطوات واضحة ما بدها مصمم ولا مبرمج. بتعملهم بساعة وبتشوف الفرق.
5 · واللي بده شغل فعلي
مفصول عن اللي فوق، مع تقدير وقت لكل واحد. عشان تقرر أنت: تعمله، تأجّله، أو تعطينا ياه.
شو مش داخل فيه
التنفيذ. هاد تشخيص مكتوب، مش تعديل على المتجر. وبقولها بصراحة من هلق عشان ما يصير سوء فهم.
وإذا قررت بعدها نعدّل، الـ199 بتنخصم كاملة من قيمة التحسين (1,200). يعني ما دفعت شي زيادة.
ليش 199 بس؟
لأن هدفي مش أبيعك فحص. هدفي تشوف شغلي وتحكم عليه بنفسك قبل ما تلتزم بمبلغ أكبر.
وممكن فعلًا تاخد التقرير وتصلّح كل شي بإيدك وما تدفع ريال زيادة. وهاد ما بزعجني — بكون أنا أخذت 199 وأنت أخذت متجر أحسن.
لمين هو
- عندك متجر شغّال على سلة أو زد أو شوبيفاي
- بيجيك زوار بس المبيعات أقل من المتوقع
- بتفضّل تفهم المشكلة قبل ما تدفع لحدا يحلها
لمين هو مش مناسب
- لسه ما عندك متجر — بهالحالة الفحص ما بيفيدك، في عنا باقة متجر جاهز
- بدك حدا ينفّذ مباشرة بدون تقرير — خد «تحسين متجر قائم» على طول
أسئلة بتوصلني
كيف بتفحص متجري؟
بفتحه من الجوال زي أي زبون، وبمشي رحلة الشراء كاملة. وبراجع صفحات المنتجات والأوصاف والصور وعناصر الثقة وسرعة الصفحة. ما بحتاج دخول للوحة التحكم تبعتك.
بحتاج أعطيك باسوورد؟
لأ. رابط المتجر بس.
التقرير بأي لغة؟
بالعربي، وبلغة مفهومة بدون مصطلحات تقنية.
وإذا ما لقيت مشاكل؟
ما صارت. بس لو صارت، برجّعلك المبلغ كامل.
كم بياخد وقت؟
48 ساعة من وقت ما توصلني رابط متجرك.
بعد ما تطلب، ابعتلي رابط متجرك على الواتساب أو رد على إيميل الطلب، وببلّش فورًا.
