متابعة شهرية لمتجرك
أبرز ما تحصل عليه
- أول الشهر: يوصلك التقرير. لقينا 7 نقاط، أهمها إنه 3 منتجات بتجيب زيارات كتير وما بتبيع
- بتختار 4: إعادة كتابة أوصاف المنتجات التلاتة، وإضافة قسم الأسئلة لصفحة المنتج
- خلال الشهر: بننفّذهم، وبتشوف كل واحد قبل ما ننشره
- بالخلفية: بنجهّز بنرات الموسم الجاي
- دفع آمن ومشفّر
- دعم مباشر عبر واتساب
التفاصيل
متجرك مش مشروع بيخلص. هو شغل مستمر.
المواسم بتتغيّر، والمنتجات بتزيد، والزبائن بيسألوا أسئلة جديدة، والمنافس بيطوّر متجره. والمتجر اللي كان ممتاز من 6 شهور بيصير عادي اليوم بدون ما تنتبه.
وأغلب أصحاب المتاجر بيعرفوا هاد — بس ما عندهم وقت، وما بدهم يوظّفوا حدا، وما بدهم كل مرة يدوّروا على مصمم ويشرحوله من الأول.
هاي المتابعة حلّ هالمشكلة بالضبط.
كل شهر بتاخد
1 · فحص كامل للمتجر
بفتح متجرك من الجوال وبمشي رحلة الشراء، وبكتبلك تقرير: شو تغيّر، شو تحسّن، وشو بده انتباه. نفس منهجية «فحص متجرك»، بس كل شهر.
2 · أربع تحسينات منفّذة
أنت بتختارهم من التقرير، وإحنا بننفّذهم. مش اقتراحات — تنفيذ فعلي على متجرك.
3 · تجهيز الموسم الجاي قبل وقته
رمضان، الجمعة البيضاء، العودة للمدارس، اليوم الوطني. بنجهّزلك المتجر قبل بمدة كافية، مش بآخر أسبوع لما يكون كل المصممين مشغولين.
4 · رد على أسئلتك طول الشهر
سؤال عن منتج، أو عن إعلان، أو عن شي بلوحة التحكم — برد عليك. مش محصور بعدد.
مثال على شهر حقيقي
- أول الشهر: يوصلك التقرير. لقينا 7 نقاط، أهمها إنه 3 منتجات بتجيب زيارات كتير وما بتبيع
- بتختار 4: إعادة كتابة أوصاف المنتجات التلاتة، وإضافة قسم الأسئلة لصفحة المنتج
- خلال الشهر: بننفّذهم، وبتشوف كل واحد قبل ما ننشره
- بالخلفية: بنجهّز بنرات الموسم الجاي
ليش 390 بالشهر؟
لأنها أقل من يوم إعلانات، وبتعطيك شغل شهر كامل.
وبالمقارنة: تحسين لمرة وحدة بـ 1,200 بيصلّح متجرك اليوم. المتابعة بتخليه يتحسّن كل شهر — وهاد الفرق بين متجر بيضل مكانه ومتجر بيتقدّم.
وبتقدر توقف بأي وقت. ما في ارتباط بمدة ولا غرامة. إذا ما شفت قيمة بأول شهر، ما بتجدّد وخلاص.
لمين هي
- صاحب متجر شغّال وبيبيع فعليًا، وبدو يحسّنه باستمرار
- ما بدو يدفع مبلغ كبير مرة وحدة
- ما بدو يوظّف حدا ولا يدير فريق
لمين هي مش مناسبة
- متجرك لسه ما أطلق — جهّزه الأول، وبعدها المتابعة بتفيد
- بدك تعديل واحد محدد وبس — خد «تحسين متجر قائم» بدالها
أسئلة بتوصلني
هل بتخصموا من بطاقتي كل شهر تلقائيًا؟
لأ. بتدفع شهر بشهر بنفسك. بآخر الشهر بوصلك سؤال إذا بدك تكمّل، وأنت بتقرر.
الأربع تحسينات، مين بيختارهم؟
أنت. بنعطيك القائمة مرتّبة بالأولوية، وبتختار. وإذا ما بدك تختار، بنبلّش بالأهم.
وإذا بدي أكتر من أربعة بالشهر؟
بنتفق عليها منفصلة، أو بنأجّل الباقي للشهر الجاي. ما في ضغط.
متجري كبير، نفس السعر؟
الـ390 للمتاجر الصغيرة والمتوسطة. إذا متجرك فيه مئات المنتجات أو طلبات كتير، تواصل معنا، بنشوف متجرك ونعطيك سعر حسب حجمه قبل ما تدفع أي شي.
بحتاج أعطيكم دخول للوحة؟
للتنفيذ آه، بتعطينا حساب موظف بصلاحيات محدودة. بتقدر توقفه بأي لحظة.
بعد الطلب، ابعتلي رابط متجرك وبيبلّش أول فحص خلال 48 ساعة.
