تحسين متجر قائم

تحسين متجرك الحالي على سلة أو زد، بدون ما نعيد بناءه

متجرك شغّال وعندك منتجات، بس شكله مو مرتب؟ نشتغل على 6 أماكن يشوفها عميلك أول ما يدخل، ونسلّمك قبل/بعد لكل وحدة. السعر ثابت 1,500 ريال مرة وحدة.

وش تشمل الباقة؟

1. تشخيص سريع: نمر على الرئيسية والتصنيفات وصفحة المنتج والسلة والجوال، ونرسل لك ملاحظات مكتوبة بالأولويات.
2. الواجهة (Hero): بنر رئيسي جديد مع عنوان واضح وزر يودّي للمنتجات، نسخة جوال ونسخة كمبيوتر.
3. التصنيفات: ترتيب أقسام الرئيسية، وصور تصنيفات موحّدة، وإزالة التكرار. الأسماء تبقى زي ما هي إلا إذا طلبت تغييرها.
4. الجوال: ضبط المسافات والأحجام والخطوط على شاشة الجوال.
5. عناصر الثقة: زر واتساب ظاهر، بنر طرق الدفع (تابي وتمارا إذا مفعّلة عندك)، وروابط سياسة الاسترجاع والخصوصية واضحة.
6. صفحة المنتج: ترتيب الصور والسعر والخيارات وزر الإضافة للسلة والوصف.

المدة والتعديلات

5 أيام عمل من وصول الدخول للمتجر والمواد. جولة تعديل وحدة ضمن البنود الستة، وبعدها 200 ريال للجولة.

وش ما تشمله الباقة؟

• تغيير الثيم أو إعادة بناء المتجر (هذا متجر جاهز للبيع بـ3 أيام).
• الثيمات والتطبيقات المدفوعة واشتراك المنصة.
• الشعار والهوية، ووصف كل المنتجات.
• ضبط تابي وتمارا أو الشحن على المتجر (التسجيل نفسه يكون منك وباسمك، والضبط ضمن العرض الكامل).
• صفحات أو منتجات جديدة، والتصوير الميداني.
• الإعلانات وإدارة السوشيال وأي إدارة شهرية.
• ضمان المبيعات.

وش نحتاج منك؟

1. دخول للمتجر كمشرف.
2. الشعار والألوان المعتمدة.
3. أهم منتجاتك وصورها.
4. شخص واحد يرد خلال 24 ساعة.

الدفع

1,500 ريال مرة وحدة، بدون اشتراك شهري. دفعة وحدة، أو دفعتين 50/50 بنفس السعر. ما نضمن زيادة مبيعات، نضمن شغل واضح بقبل/بعد.

Ecomsocity تابعة لشركة Ibrain LTD، لندن، بريطانيا.